Kimioterapiaren eraginkortasuna apaltzen duen proteina bat identifikatu dute

Galarraga Aiestaran, Ana

Elhuyar Zientzia

kimioterapiaren-eraginkortasuna-apaltzen-duen-prot
Kimioterapiak hautsitako DNA (puntu berdeak), zelulen nukleoan. Arg. F.C./CSIC

Kimioterapiak zelulen DNAn sortzen dituen hausturak konpontzen dituen proteina bat identifikatu du nazioarteko ikertzaile-talde batek.

Kimioterapia minbizi-zelulen DNA puskatzean datza eta funtsezkoa da minbizi asko tratatzeko. Zelulek, ordea, neurri batean badute haustura horiek konpontzeko gaitasuna. 2009an, ikertzaileek mekanismo horretan laguntzen duen entzima bat deskubritu zuten: TDP2 entzima. Orain, pauso bat gehiago eman dute, eta entzima horren aurretik lan egiten duen proteina bat identifikatu dute. ZATT izena du, eta hautsitako DNAren ertzak berregiten ditu.

Aurkikuntza baliagarria izan daiteke bai pazienteak kimioterapiari nola erantzungo dion hobeto aurreikusteko bai tratamenduaren eraginkortasuna areagotzeko. Science aldizkarian argitaratu dute ikerketa.

Gehitu iruzkin bat

Saioa hasi iruzkinak uzteko.

Babesleak
Gipuzkoako Foru Aldundia
DANOBAT GROUP Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.